قصيده بعنوان .... اشكثر تحمل ياعراق

اشكثر تحمل ياعراق .... انته عالهم والعذاب اتعودت

وياما رادت ناس بالشده تطيح .. عاندت حته الزمان وماطحت

ماكلت مره انته أه ومشتكيت ... وابد مامره انحنيت ودنكت

الله اكبر من صحت انه العراق .. صحنه كلنه بصوت حياك وجدت

صرت انشودة زمانك ياعراق ... ونشدت العشاق من انته انشدت

كلها تتسائل عله دم الشباب ... وابد ماواحد فهم انته شردت

رايد اترابك يضم اشرف دماء ... وتفتخر مابين كاع الله ردت

حكنه نتفاخر اذا نفديك دم ... يل بدم حسين انته اتشرفت

وجسم ابو الحسنين بترابك حويت ... وموسى ابن جعفر صبر وانته حصدت

سمعنه والتاريخ وضح هالامور ... وشفنه فوك الجسر جم شاب احظنت

والنساء الطاحت وشيب الرجال ... وجم طفل يحمل كتاب الله شفت

شرد اكولون وانته كلك كربلاء .... وانته وحدك تدري جم لوعه شلت

ماكو مثلك ياعراق بكل مكان ... دورت من ابحثت ماحصلت

وين الاكي بقعه تتفاخر تصيح ... اكثر الاجساد من طه احملت

حقك ياوطن تتفاخر تصيح.....اكثرالاجساد من طه احملت

احمد

رايد اترابك يضم اشرف دماء ... وتفتخر مابين كاع الله ردت

حكنه نتفاخر اذا نفديك دم ... يل بدم حسين انته اتشرفت

نعم عراق تشرف بدماء الحسين والعباس عراق تشرف بمرور زينب والسبايا

احسنتم وكل الشكر

كلام رائع والي كاتبه اروع منه

ضباب الاضرحه

موفقين على المرور والتعليق الرائع

اخي مجنون الحسين

بارك الله فيك

اللهم عجل فرج امامنا صاحب الزماااااااااان

ليملا الارض قسط وعدلا ويفرج عن العراق