يا ثاني علي وثالث عشر معصوم

يا ثاني علي وثالث عشر معصوم

يابدر الطفوف المانزل شانك

للحومه انزلت والخوف جان اهناك

ومن شافك ختل بكلوب عدوانك

نصبت الهم قيامه ابدال ملك الموت

وانطيته استراحه اوعفته بمجانك

الضمير انطيته عينك حته بيها ايشوف

ومن شافك طحت ضل يبجي بحظانك

مامات الوفه عطشان يم الماي

رضع مثل الطفل من حلك شريانك
وروحك موغصب طلعها ملك الموت

من فظلك طلبها وطمع بحسانك

الدين انطيته روحك من قلب ولسان

ومسلة شرف ضل منصوب جثمانك

ومنك كل جرح خضر غصن زيتون

وضلت عالسبايه اتضلل اغصانك

ارماح الغدر ذله اوما تشيل الراس

زودك شال بالطف روس خوانك

جنات الخلد مفتاحها الكرار

بس ابوابهن جفين ذرعانك