كل الوادم ايعشكون

عشكتك والعشك مو عيب -- كل الوادم ايعشكون
وهمت انه ايحر حبك -- وصرت بمحبتك وجنون
خذت كلبي ورضيت انه-- ولون مني خذت العيون
اصيحن بعدي ما وفيت -- وبقى ابحبي الك مديون
انه ابحين العرفتك همت-- والك عمري صبح مرهون
واسيرك صرت انه وكلبي-- بجنان امحبتك مسجون
صوره ابفكري صورتك --ومثلك ما شفت مزيون
لذا قررت اصيرن دوم --الك خادم انه وممنون
بصميمي كمت دورتك-- لكيتك عندي ابد متهون
ودخلت الكلبي ادوراعليك --شفت وحدك عليه اتمون
ورحت لنفاسي اشوفنهن-- وتنفس اشوف اشلون
شفت لذت الشهيق انته--واسمك وي زفيري واضح ومعلون
كريات الدمه انته --يمن بيك النبض موزون
ونفحت روحي هم انته-- يالبيك الكلب مفتون
عرفتك وعرفت شخصي --وبنفسي لكيتك عون
يجف رحمه اليه انمد --وبضله عشت مامون
لذا حكي منهيمن بيك-- حبك بالدمه معجون
لذا حكي اذا اتمنيت-- بمحبتك منيتي اتكون
مثل يونس انه بالحوت --وانته الصرت الي ذنون
ومثل موسى انه وانته--بحر الغرك الفرعون
ومثل يوسف انه بالبير-- وانته الحضرو اينقذون
وانته البرديت النار-- عليه والعده ايوجرون
مثل نار النبي ابراهيم --بردا واسلاما كوني اله مأذون
سفينت نوح مومثلك --فقط بيك الخلك ينجون
سفينت كل نجات انته--يمنيت كل شخص بالكون
احبك وارضه اصيرن ليك --عابس وبن قين وجون
يعشكي الما ابدله دوم --وخل عذالي شيكولون
تولع كلبي انه ابحبك --وصرت ضمن اليحبون
يمن اسمك شذى احروفه-- ابلساني امطرز ابكل لون
عشكتك واعشكت اسمك-- حاء وسين ياء ونون
حرف الحاء حبك صار-- جنه ايطبها اليعبدون
وحرف السين سامي انته-- وسموك سامي لليسمون
وحرف الياء يامحبوب --بيك الوادم ايهيمون
وحرف النون نهوى حسين --اي والله وعلى اعناد اليكرهون
اي والله يبن حيدر-- نحب وشما يكون ايكون
خل تتكاثر اعدانه-- وخل بينه العدى ايحيطون
خل نتعذب ونحزن --وخل بجسادنه ايكطعون
مانهوى ابد غيرك-- خلهم سيدي ايسمعون
ومانتعب يبو الاحرار --خصمك همه اليتعبون
مدام بكل كلب يحسين --الك هذا العشك مكنون