في رثاء الامام الهادي عليه السلام

في رثاء مولانا علي الهادي (ع) }
رحيله (ع) من المدينة إلى بغدادƒ

مْن ارض المدينه سافـر الهـادي بلـبنين
و محّـد بقى مْن اولاد حيدر بالحجازين

سافر بَـهل بـيـته و بقت طـيـبه خليّـه
ودّع قـبر جـــدّه و عـبراتـه جريّـه
وبن هرثمـه يقلّـه يـبن خـير البريـّه
عجّـل يـقـلّه اتوخّـر الـنا بـعـد يومين

راح القبر جـدّه مثل ما راح جدّه
تمرّغ على قبره وصب الدّمع عنده
إيقلّـه يـجـدّي مـا بـعـد هـالسّـفر رَدّه
ماشي بهل بيتي يَجدّي والنّساوين

أصبح و نـادى بـالرّحيل مْـن المـديـنـه
ودّع قبـور الاهل و الزّهرا الحزينـه
و صاحت النّاس اوداعة الله يـا ولـيـنا
هاي اليتامى والارامل تلتجي وين

بالدّرب جم برهان سوّى وشافت النّاس
ذل العدا وخلّى الموالي رافع الرّاس
أشجار وانهار اسأل اللّي رجـع للكاس
وبْكل وكت يـبدي المعاجز و البراهين

بغداد طب و خـالـيه ظلّت ربـوعه
وفزعت أهاليها النظر وجهه سريعـه
و لَرْض المديـنه ابعيلـته اتـعـذّر رجوعه
وسافر الْسامرّا ونزلها عمدة الدّين

بـس مـا نزلـها شـيـعـتـه عنّـه امـنعوها
و جاروا علـيه و مهجـته ابسم قطّعوها
حتّى قضـا ومـلّة الهـادي ضيّعوهـا
بديار غربه وعزوتـه كلهم بعيدين

و ابــنه محمَّد في بـلد قاضي نحـيبه
ومـن بعدهم ظلّت ابوحشه بْلاد طيـبه
و مـحّـد بقى بـيها مـن العتره النّجـيـبه
وبديارهم يا حيف ينعب طايـر البين

اجتمعت علـيه بس مانزل بيها اهمومه
دايم حزين وجرّعـه الطّاغي سمومه
وعْـلَى الطّهر صـار اعظم الايـّام يومـه
جهّـز أبـوه و غسّلـه بمدامـع العـين

للمرحوم الملا عطيه الجمري

عسى الصراط ممشاك والكوثر مسقاك و
الفردوس مكانك و
رؤية الرحمن مناك

موفقين على هذه القصائد