راح أزور حسين يالعندك وصيه إوصــيني ...

بسم الله الرحمن الرحيم،،
اللهم صل على محمد وآل محمد وعجل فرجهم وأهلك أعدائهم،،
......
راح أزور حسين يالعندك وصيه إوصــيني
شالني الشوگ وخذاني إبشوفه أكحل عيني
...
خلصت الروح إوتهاوت بعد ماتحمل إفراگ
وأرد أروح لأبواليمه تصور إشلون العـناگ
أحضن اضريحه وأشمه گلبي مليان اشتياگ
وأدعي ربي إبكل صلاة يمه أگـضي إسنيني
.....
أنحني إعله الباب وأنحب وأعتذر من الغياب
غصبن عليه بعـــــــدني وشفت ألوان العذاب
دهري رواني المصايب وآني في عز الشباب
وأدعي ربي إبكل صلاة يمــــه أگضي إسنيني
.....
صورة حسين إبخيالي ودمعتي تكتب حروف
حبي هو وكل كياني غير حــــــــبه ما أشوف
منيتي اسكن جواره وأندفن بأرض الطفوف
وأدعي ربي إبكل صلاة يمه أگضي إسنيني
.........
شوگي كل ليليه يهزني والصـــــبرعني نفر
تضرع لرب الجلاله والدمـــــــع مثل المطر
ضاگت الدنيه الوسيعه والعمــــرراح العمر
وأدعي ربي إبكل صلاة يمه أگضي اسنيني
.....
آه ياجور الســـــــنين جرعتني إشگد مرار
شاب راسي بالمآسي إشوكت يطلع هالنهار
ويظهر الحجه علينه وأنغمـــــــــــر بالانتصار
وأدعي ربي إبكل صلاة يمه أگضي اسنيني







نسألكم الدعاء تحت قبة حبيبنا ومولانا الامام الحسين