كلهه اتروح اويبقة احسين/عشاورائية/قصيدة لفاديا الخفاجي

كلهه اتروح اويبقة احسين
شعر:فاديا الخفاجي
كلهه اتنادي ابيوم الطف*كلهه اتروح اويبقه احسين
ياعطشان اُويا مَذبوح*نِسْكيلـَك دَمعات العين
ول عاداك إلا ابْن إثنين*إلشيطان...اُوهِندَة الغبره
*****
موت إيـطُم كل إلعَادوك*خـَلـْنـَه ابحُبَّك مِتخَبلين
مولانه اوليلـَتْ عاشور *للتطبير إحنه امْحـَظْرين
اونركضلك رَكْض إطويريج*حتـَّه الاعرج عُودَه إيطَفرَه
*******
فدوه انروح الجف عباس*اُوفدوه انروح إلنَحر إحسين
نزحفلك مولاي إزحوف*مانهتم نتذَبَّح وين
هِدرَوا دمنه أزلام إيزيد* ايفَجرونه وإنعيد الكرَّه
******
جا عابس مو بالطف صاح* مجنون إبْ حُبَّك يَحسين؟
اشلون ايريدونـَه انعوفك؟* ول ينساكم ينسه الدين
رادوا بالذكر ايطُمسوك* اُولامايطمِس رُكنْ إلعِترَه
*****
شوف إكبور إللي ايعادوك* اُوشوف إقبابك وصْلَن وين
مَيعرفون إنـَّكْ مَولاي* مـَنصور إب دَمـَّكْ يَحسين
اُوجَم مـَرَّه إلقـَبْر إيفَلشوه؟* وإحنَه الشيعة إنرِدْ إنعَمرَه
******
يا كرَّار إلحـَك لِطـْفوف * باوِعْ ولدك متطـَشرين
وين ايروح إلكَص إلرَّاس *مِن بـَطشـَك يابو الرُمحَين؟
ذاك إسراطـَك تحكُم بي* اُوكتَّال إبنـَك نار إتجـِرَّه
*****
كوثر حوض اُمَّك يحسين* ونته اُورَبعـَك عطشانين!!!
يمدلل... والتالي إهنا * عَل تِربان إنتوا إمْجـَطلين!!!
هـَز إمهادك جبرائيل* اُوياهو إيهز إتراب الصَّحرة؟
******
إفراشك جان أحضان إلجَدْ * وِنتـَه اوجَدَّك فرحانين
تالي إللي ايغـَطِّيك إتراب* وِلْ دَم يصفالـَك تـَجفين!!!
جدَّك كام إب عَبرَه ايكول* أضمن جـَنـَّة إلحامي إلعِترَة
*****
ذاك إلأبْ لينوحـَك دوم * قلبـَه إتوَجَّر بـِلْ نارين
نارَك وِلْ ماتَوا وَيـَّاك * اُونار إلصَّارَوا مَسـبيين
شـُبـَّر وَيَّه العِترَه إيصيح *لـَشـْطرهم كل واحد عَشرَه
*****
واُمَّك يـَل مَدفونه ابْ ليل * مَخفيَّه اومانعرف وين
بـَينـَتْ بـَس يوم إطفوفك *مَذبوحَه واُوياها إثنين(محمد ص وعلي ع)
ساعَه إتنوح اُو ساعَه إتطيح *مَذبوحه وإتنوح إب حَسره
******
غركَانه إبْ كُثْرَتْ لـِحْجاب*تلطُم وإتصـَـيِّح يحسين
خـَبـِّر اُمـَّك وين إلرَّاس؟*اُووين إصبَع إيدَك يازين؟
فادَيتَه ضِلعي إللي إنصاب*اُوتاليـتـَه يتهَشَّم صدره!!!!
*******
صاحَتْ هَلْ يوم أتـْحـَنـَّه *بـِدْمايَتْ مولودي إحسين
شالَتْ مِنْ يَم نـَحرَه إلدَمْ * وإتحنَّت وإتهِل إلعين
كام إتنوح إعليه إتكول:*يامَهدي ثور إنتـَه النحره
*******
يوم إبْ شـُبَّر... يوم إحسين*وآنه أتذَبَّح بـِل مَرتين
ياشيعة نوحولي إلطَفـَّه*وإبجولـَه لدمايـَه العين
نوحوا اُويَه أحمد ..مِنْ خَبْروه* اُومِنْ يومَه ينحَبْ عَل طـَبْرَه
*******
فوك إلرُّمْح إنحـَط إلرّاس* شوف إبنـَك ياتاج الدين
اُويفتي إشرَيح إلكافـِر ذاك* كال إذبَح هَل مِتـْمَردين
وإتهادَوا بـِلْ طاس إلرّاس* وإبن إهنَيدَه إليُضرُب ثـَغرَه
********
ذاك إبنـَك يامَولانَه *دَمَّه اولَمَّتْ بي جَفـَّين
اُولاقـَطرَه السِقـْطـَتْ لاكن*دَمَّه اودَمَّك مِختـَلطين
وِلْ دَمَّك راح إحنَه انثور* اُوللطِفل إلماشارُب قـَطرَه
*********
راح إنثور إلدَم عَبـَّاس* اوزَرْفـَتْ قلبـَه اُويـَه الجفَّين
وِل زَينب مِنْ كَالـَتْ: راح* أصلي اُوفرعي إب كـَتْل إحسين
اُوثار إسكينـَه إنطالُبْ بي* وِل طِفلـَه إل كـِتـْلـَتهَه العَبرَه
*****
هاذ إلوَعـْد إلما ننطي*بس لال أحمد نور إلعين
يـِظهَر مَهدي إنثور اُوياه *اُوللثـَورَه احْنـَه المِتحَضرين
صِيح إبنـَك مَولاي أرجوك*خـَل يطلـَع وإيقود الثـَورَة
**********

أحسنت

أثابك غريب كرباء

دام عطائك

شكرا جزيلا لك

شكراً لكم على المرور والرد

تحياتي
اختكم